Mga palpak na misyon # 1

CHICKEN  VAMPIRE!!!

Vampire  Addicts!

BOSS:  Dahil  sa  pagkahooked  ng  mga  tao  sa  BAMPIRA,  inutusan  ko  ang  aking  mga  ahente    na  gumawa  ng  pagsisiyasat  tungkol  sa  kanila  at  iparating  sa  inyo  ang  nakalap  naming  impormasyon.

           Pumunta  ang  lima  sa  isang  lumang  lumang  kastilyo  para  maghanap  at  alamin  kung  totoo  nga  ang  mga  bampira.  Subalit  sa  kasamaang  palad  ay  hindi   bampira  ang  natagpuan  nila  kundi  CHICKEN   ADDICT!  At  hinabol  sila  nito  para  daw  gawing  tanghalian.

AGENT  ADOBO: TAKBO!!!!!!!!!!!!

AGENT  TINOLA: Sino  ba  kasi  ang  may  sabi  na  pumunta  tayo  dito  at  maghanap  ng  bampira?

AGENT  PRITO:  Utos  ‘yon  ni   BOSS!  Isa  pa  nakikisunod  lang  tayo  sa  uso  dahil  bukod  sa  libro  at  movies,  nakikisali  na  rin  pati  teleserye.  At  kaya  tayo  nandito  sa  lumang  kastilyo  na  ito  ay  para  malaman  at  patunayan  kung  may  mga  bampira  nga  talaga!

AGENT  ROASTED:  Kaya  ikaw  ang  dapat  na  sisihin!  Pero  ayon  sa  nabasa  ko  sa  internet.  Nagmula  ang  teorya  ng  mga  bampira  sa  taong  nagngangalang  Dracula  at  isa  rin  sa  pinagkuhanan  ng  legend  si  kondesa  Elizabeth  Bathory.  Ang  pinakamasamang  Kondesa  ng  kanyang  kapanahunan.  Malakas  kasi  ang  sabi  sabi  na  iniinom  niya  ang  dugo  ng  mga  taong  namamatay  ng  dahil  sa  torture  niya.  Ang  epekto  no’n  sa  kanya  ay  walang  hanggang  kagandahan.

(Nagsiputakan  ang  ibang  mga  manok  sa  sinabi  ni  Agent  Roasted.)

AGENT  ADOBO:  May  gana  ka  pang  mag  trivia?  Heto  nga’t  hinahabol  na  tayo  ng  taong  mahilig  sa  manok!  At  pati  Pwet  hindi  niya  pinapalampas!  Aw  Shet!  Bilisan  niyong  tumakbo  kung  ayaw niyong  maabutan  tayo!

TURBO  MASTER: Kung  alam  ko  lang  hindi  ko  na  sana  tinanggap  ang  misyon  na  ito.

AGENT  ROASTED:  Sinusuway  mo  na  si  BOSS?  

TURBO  MASTER: Siyempre  naman  nagbibiro  lang  ako.  Mahal  ko  si  BOSS  at  never  ko  siyang  susuwayin!  Pero  ayoko  pa  rin  magbahagi  ng  katawan  sa  Andoks,  Chooks  to  go  at  Sir.  Pedro  at  lalo  namang  ayokong  mapunta  sa  tiyan  ng  chicken  addict  na  ‘yan!

AGENT  ADOBO: At  anong  gusto  mo?  Ang  maging  Chicken  Vampire?

AGENT  TINOLA:  Come  to  think  of  it…Paano  sila  mangangagat  para  makapangbiktima?  Manunuka?

TURBO  MASTER: Pa’no  kapag  nakita  ‘yon  ng  mga  tao?  Isa  lang  ang  marka.  Iisipin  nilang  bungi  yung  kumagat!  Ihahalintulad  mo  pa  ‘yon  sa  plant  versus  zombies.

AGENT  PRITO: Magkaiba  ‘yon!  Alam  mo  kung  bakit?  Maraming  matutuwa  na  makakita  ng  maraming  manok  sa  lawn  niya  lalo  na  sa  mga  taong  walang  ulam!

AGENT  ROASTED: Tigilan  niyo  na  nga  ang  kakaputak  diyan!  Hanapin  niyo  na  lang  ang  pintuan!

=) SAMPUNG  MINUTO  PA  ANG  MAGAGANAP  NA  TAKBUHAN  PAIKOT  NG  BUONG  PALASYO, SO PLEASE  STAND BY! 

TURBO  MASTER: At  last  the  DOOR!!

AGENT  PRITO:  COURAGE!

=)AT  DAHIL  SA  SOBRANG  PAGKA-EXCITE  NG  LIMANG  MANOK  AY  DIREDIRETSO  SILA  SA  PINTUAN;  ANG  HINDI  NILA  ALAM  AY  NAKA-LOCK  ITO  KAYA  ANG  NANGYARI…..SABAY-SABAY  SILANG  BUMANGGA  DOON.

TURBO  MASTER: Pihitin  niyo  yung  doorknob!

AGENT  TINOLA:  TUNGAW!  Mga  manok  tayo,  wala  tayong  mga  daliri.

AGENT  ADOBO:  Sinong  may  sabi  na  dumaan  tayo  sa  pinto?  E,  ayan  o,  ang  laki  ng  bintana  (itinuro  ni  agent  Adobo  ang  bintana  na  mas  malaki  pa  sa  pintuan)  LIPAD!

 

AGENT  ROASTER:  Such  a  brilliant  idea  for  a  chicken  headed  brain!  Pa  chicken  burger  ka naman!

=)PINAGTUTUKA  NG  MGA  KASAMAHAN  NIYA  SI  AGENT  ROASTER  DAHIL  SA  WA  KWENTA  BIRO  NITO.  SA  BANDANG  HULI  NILIPAD  NA  RIN  NILA ANG  BINTANA  PARA  MAKATAKAS  SA  CHICKEN  ADDICT.

AGENT  PRITO: FREEDOM!  (Lumilipad  na  sabi  nito)

LEA  KURUKUTUNG:  Bumalik  kayo  rito!  TANGHALIAN!

“Mag  chicken  burger  ka  na  lang”  Sabay-sabay  na  sabi  ng  limang  manok  habang  lumilipad  (walang  kokontra!  Basta  lumilipad  sila!)

AGENT  PRITO’S  REPORT:

‘BAMPIRA’  Isang  nilalang  na  sumisipsip  ng  dugo  ng  tao.  Sa  pagkakaalam  ko,  buhay  na  ang  mga  nilalang  na  ito  15^th  century  pa  lang  at  magpasa  hanggang  ngayon  ay  nananatili  pa  rin  ang  mga  usap-usapan  tungkol sa  kanila.  Hindi  ko  nga  alam  kung  bakit  sa  dinami-rami  ng  mga  kwento  tungkol  sa  mga  bampira,  kakaunti  lang  ang  mga  ebidensiya  na  maaaring  magpatunay  na  totoo  nga  ang  mga  ito.

Gaya  na  lang  ng  kwento  tungkol  sa  mga  sindikatong  nakasakay  sa  van  at  dumudukot  ng  mga  bata.  Ayon  pa  sa  nasabing  kwento  kinukuha  ‘DAW’  ng  mga  naturang  sindikato  ang  laman  loob  ng  mga  biktima  at  ibinebenta  iyon  sa  black  market.  (Mabuti  na  lang  at  nauna  akong  nakita  ni  BOSS.  Kung  hindi  baka  nakuha  na  ako  ng  mga  sindikatong  ‘yon.  PANIGURADO!  Sa  mainit  na  kawali  o  bakal  na  may  nagbabagang  uling  ang  kababagsakan  ko.  Lahat  pa  naman  ng  parte  ng  katawan  ng  mga  manok  hindi  na  pinapatawad  ng  mga  tao  ngayon.)

Mabalik  tayo  sa  usapan.  Maraming  kwento  ang  lumabas  at  gaya  ng  bilis  ng  pagkalat  ng  kopya  ng  laban  ni  Paquiao  sa  mga  pirated  DVD’s  ganoon  rin  kabilis  kumalat  ang  tsismis  sa  buong  bansa.  Dahilan  para  matakot  ang  mga  magulang  para  sa  kanilang  mga  anak.  Naghigpit  ang  mga  magulang,  nagkaroon  ng  curfew  pati  mga  balut  vendors  binawalan  na  rin  gumala (YIIIIS!!! Nabawasan  ang  mga  nagtitinda  ng  itlog  ng  mga  panahong  ‘yon  at  nabawasan  din  ang  abortion  ng  mga  itik  ng  1%!)  bukod  doon  may  mga  lumabas  pa  na  mga  plate  number  ng  mga  van  na  dumudukot  sa  mga  bata  ngunit  pagkalipas  ng  ilang  araw  lumabas  na  hindi  nag-e-exist  ang  mga  numero  ng  mga  plaka.

Ano  ba  talaga  ang  totoo  mga  tao?  Siguro  (sa  palagay  ko  lang  ha?)  mga  bampira  ang  dumudukot  sa  mga  bata  ‘tapos  kinakagat  nila,  ‘tapos  ibabalik  nila  na  parang  walang  nangyari.  Ewan  ko  ba!  Marahil  ay  nasobrahan  lang  sa  panonood  ng  vampire  diaries  ang  nagpakalat  ng  tsismis.

AMININ MO! (OO! IKAW  NA  BUMABASA!)

May  time  sa  buhay  mo  na  naka-encounter  ka  na  ng  mga  taong  nagsabi  ng  ganito  “ANG  SARAP  SIGURONG  MAGING  BAMPIRA  ANO?  COOL!”  pero  kung  wala man  magbago  ka  na  dahil  nahuhuli  ka  na  sa  latest  Trend  ng  mga  tao.

Sa  panahon  ngayon  kung  saan  marami  ang  normal  na  tao  marami  ang  gustong  magpaka  AB-NORMAL.  Marami  ang  gustong  maging  bampira  at  sumipsip  ng  dugo.  (sa  bagay  mas  maigi  na  ‘yon  kaysa  ang  maging  lamok!)  totoong  cool  ang  maging  bampira  dahil  marami  kang  advantage sa  normal  na  tao.  In  short  may  super  powers  ka  (oha!  Sa  gano’ng  paraan  hindi  mo  na  kailangang  magkasakit  at  uminom  ng  mga  gamut  na  may  therapeutic  claims!)  uminom  ka  lang  ng  dugo  solved  na  ang  buhay  mo  AT  lalakas  ka  pa  na  parang  si  superman!

Totoong  nakakaaliw  ang  kwento  at  palabas  tungkol  sa  mga  bampira,  subalit  bukod  sa  pag-iisip  na  maging  isa  sa  kanila.  May  mga  bagay  pa  na  mas  dapat  natin  pagtuunan  ng  pansin.  Gaya  na  lang  ng  buhay  mo.  Importante  ‘yan  pustahan  pa  tayo!  Ikaw  lang  ang  nagsasabi  na  hindi

Kung  gusto  mong  maging  bampira  nasa  sa’yo  ‘yan.  Pakagat  ka  lang  sa  lamok  na  may  dengue  and  PRESTO!  Dadalhin  ka  na  sa  ospital  at  ipapalaklak  sa’yo  ang  mga  dugo  galing  sa  blood  bank!  Kung  gusto  mong  maging  chimpanzee  nasa  sa’yo  pa  rin  ‘yan.  Pero  ito  ang  dapat  mong  tandaan.  Isa  ka  lang  tumpok  ng  karne  na  binalutan  ng  balat  at  binigyan  ng  buhay.  Kumbaga  FRESH  ka!  Ang  mga  bampira,  maihahalintulad  ‘yan  sa  mga  ‘BOTCHA’  double  dead  meat.  Patay  na  pero  nagpipilit  pa  rin  mabuhay.  Ang  double  dead  meat  naman  sira  na  pero  pilit  pa  rin  ibinebenta.

Kung  totoo  man  o  hindi  ang  tungkol  sa  mga  bampira  WALA  NA  AKONG  PAKIALAM  DOON!  Subalit  hindi  na  natin  maitatanggi  na  naging  parte  na  sila  ng  buhay  natin.  Nakakapagpatakot,  nakakapagpasaya  at  nakakapagpagana  ng  imahinasyon.  Hindi  na  ‘yon  ma-alis  at  nasa  sa’yo  na  ‘yon  kung  paniniwalaan  mo  sila  o  hindi.

BASTA  AKO  KUNTENTO  NA  SA  PAGIGING  MANOK!

TURBO MASTER: Prito!  Nagpasabog  na  ng  mga  butil  ng  mais  sa  Head  Quarters!  Kakain  na!

AGENT PRITO: Huwag  kang  magulo,  gumagawa  ako  ng  report.

TURBO MASTER:  Mamaya  na  ‘yan  kumain  muna  tayo.

AGENT  PRITO: Anong  mamaya  ka  diyan?  Kapag  hindi  na  satisfied  si  BOSS sa  gawa  ko.  Malamang  na  ako  na  ang  uulamin  mamaya.  Ayoko  ngang  mai-prito.

TURBO MASTER: Bahala  ka  na  nga  diyan!  Uubusan  ka  na  naming  ng  pagkain.